பக்தி

பக்தியினால் நித்தமும் வழிபட்டு
பொற்பாதம் தொழுதிட துணை ஆவாயே
நற்தமிழ் இசையாலே நற்சிந்தை ஓடு
நலம் கெடாது நயமுடன் பாடிடுவோம்

சத்தியம் தவறாமல் உழைத்து
புவிதனில் புனிதமாய் வாழ்ந்திடுவோமே
உத்தம வாழ்வில் உதவிட கரங்களுண்டு
உதவிகள் நாமும் செய்வோமே

வித்தகா உனையேற்றேன்
நான் விரும்பிய கவி பாடி
உன் தத்துவம் கூறிட தந்திடு வரந்தானே
எச்செயல் செய்யினும் உன் அதிகாரம் தந்து
மக்கள் புரிந்திட செய்வாயே

புண்ணியமான செய்கையினால் பூமியில்
நல்லதைச் செய்திட அருள்வாயே
நற்செயலால் வந்த ஞாலத்திலே
மோனமே நிலைத்திட வரந்தருவாயே