ஆகாச மனிதன்

ஓடுகின்ற நதியின் ஓடு
மிதந்து வரும் செடி கொடிகள்
யாருமற்ற இடங்களிலே
நதியின் ஓசை தனை
பாடுகின்ற பறவைகட்கு
கேட்டது என்றே மெல்லிசையை
எழுப்பிற்றே. பறந்து வரும்
பறவையினம் பாடிதிரிந்து
வருவதையே ஆகாய மேகங்கள்
ஆனந்த நடனமிட்டு மென்காற்று
இசைக்கு ஏற்ப மெல்லனவே
பறந்ததையே பார்த்தது இங்கே.
மங்கி வரும் ஒளியிலே
மாலைக்காலம் வந்ததென்று
மேச்சல் எல்லாம் முடித்து
கொண்டு வீட்டை நோக்கி
ஆவினங்கள் செல்வதையே மெல்லனவே
சிறகடித்து பறந்து
வரும் பறவையினம்
பாத்திட்டு வருவதை இங்கே
விலங்கினங்கள் நேசமாகப் பார்க்குதுவே
பறவைகளின் ஆனந்தம் தான்
மனிதனுக்கு இருந்துவிட்டால்
மனிதனும் ஆகாச மனிதன் தான்.

கோபுர கலசம்

கோபுர கலசம் கோவிலில்
கும்பாபிஷேகம் முடிந்தது இங்கே
ஆலயத்திற்கு கலசம் தேவை
அருள்நின்ற தெய்வம் சுடர்விடுதமனால்

ஆலயம் போன்ற தேகமுமாகும்
அருள்தரும் நெறிகள் ஓங்கிடவேண்டும்
தவமே அதற்கு  கலசமாகும்
தவநெறியாலே தேகம் உயர்வுறும்

இறைவன் சாநித்தியம் ஓங்கில்
கலசம் மின்னி உயர்வுறுமே
தவமது ஓங்கி உயரரவுறுமாகில்
தேகம் தேஜஸ் ஆகிஒளிர்விடுமே

 

கலசம் ஒளிர்வது ஆலயத்திற்கு அழகு
தவம் ஒளிர்வது தேகத்திற்கு  அழகு
ஆலயத்திலே தெய்வம் அருளும்
தவத்தினாலே ஞானிகள் அருள்வார்.

                      அருள் விருந்து
இலை தனில் பரிமாறி
விருந்து உண்டே கைகழுவி
வெளியேறிய நேரமே சுவையே
சுவைத்தோரிடம் இருந்து களண்டதுவே


மேடையில் பாடிய பாட்டை
கேட்டே மகிழ்வுடன் வெளியேறினோர்
வீட்டை தாள்பாள் நீக்கியபோதே
செவிவழி இன்பம் பறந்ததுவே


அருள்மொழியாலே ஆன்மீகத்தை சுவைத்தோர்
வீட்டினை அடைந்து கடமையிலாழ்ந்தும்
மனதிடையே நிலைத்து நின்றதுவே
அருள்தரும் விருந்து அரமருந்து.

பிறப்பின் ரகசியம்

பிறவியிலே வந்தோர் எல்லாம்
வினைப் யோகம் நுகரவந்தார்
மரணத்தின் வாயில் நுழைந்தோர்
வினைப்போகம் எடுத்து சென்றார்
கடைநிலையின் ஜீவன்முக்தர் சிலரை
எவரென்றும் பலர் அறியார்
கடையவர் தமக்கிது புரிந்திடாது
இதனால் கடயோராய் நின்று
ஏங்கி மரிப்பரே  மண்ணிலேதான்.

                        ஏற்றிய தீபம்
ஏற்றுகிறேன் தீபம் தன்னை
ஒளியினிலே கவலை நீங்கும்
மீட்டுகிறேன்  வீணை தன்னை
ஒலியினிலே கவலை நீங்கும்

பாடுகிறேன் பாடல் தன்னை
பண்ணிலே கவலை நீங்கும்
உழைக்கின்றேன் கடமையில் நான்
உழைப்பினிலே கவலை நீங்கும்

எழுதுகிறேன் கவிதை தன்னை
சுவைதனிலே கவலை நீங்கும்
இவை கடந்து கவலைப்படின்
கடவுளிடம் சரண் புகுவேன்.

                    அன்பின் பெருமை
அன்பு கொண்டு உலகத்தை
பார்க்க வேண்டும் நாமெல்லாம்
இன்பம் அதனால் வந்திடுமே
இருளும் எம்மில் கழன்டிடும்

மக்கள் யாவும் ஒன்றென்போம்
மாநிலம் அதனால் வாழ்ந்திடுமே
கருணை அன்பு கொள்வதினால்
மக்கள் வளமும் பெருகிடுமே

பெரியோர் அதனை சொன்னாரே
செயலில் காட்டி நின்றாரே
உள்ளக் கதவு திறப்பதற்கு
உதவும் செய்கை அதுவன்றோ

சிந்தனை செய்து பாருங்கள்
சீரும் சிறப்பும் பெருகிவிடும்
முன்னோர் அதனை செய்தார்கள்
முழுமையாக வாழ்ந்து வந்தார்கள்

மண்ணில் நாங்கள் பிறந்ததுவே
மகிழ்வாய் இருந்து வாழ்வதற்கே
மற்றோர் தமக்கு உதவியே
மாண்புடன் நாமும் வாழ்ந்திடுவோம்.

ஆன்மீக  ராகம்

ஆன்மீக ராகம் நான் பாடுவேன்
ஆத்மாவை உணர்ந்து பார்த்துப் பாடுவேன்
அற்புத ஆனந்தம் வரப் பாடுவேன்
மனமெனும் மாயப்பொருள் ஒழியப் பாடுவேன்
                                                                                           (ஆன்மீக)

மனமும் பிரானும் இணையப் பாடுவேன்
பிரபஞ்சப் பொருள்கள் விளங்கி பாடுவேன்
பிரான் தூயசக்தி எனப் பாடுவேன்
அந்த சக்தியே சிவமெனப் பாடுவேன்
                                                                                        (ஆன்மீக)

அகிலமும் சிவன் என்று பாடுவேன்
உயிரெல்லாம் சிவமென தெரிந்து பாடுவேன்
நாளும் முக்காலமும் நீயெனப்பாடுவேன்
நானும் நீயும் இறைமயம் மெனப் பாடுவேன்
                                                                                            (ஆன்மீக)
 

குரு திருவடிக்கு ஒரு பாட்டு

குரு திருவடிக்கு ஒரு பாட்டு
உன் மனதில் நீயே உருவாக்கு
                                                              (குரு திருவடி)

அருள் ஒளிமுகமும் அகிலத்தை
அணைத்து இடும் கரமும்
ஓங்கிய ஞானம் புகழ்கின்ற
கண்ணும் உன்மனத்தினிலே தோன்றிடுமே
                                                                       (குரு திருவடி)

கர்மவினைகளை களைகின்ற விதத்தை
கற்றே தருவார் நேரிலே
சிறப்புடன் அவர் பாதம்
வணங்கியே ஏத்த ஒளியுள்ள
பாதையில் நடத்தி செல்வாரே
                                                    (குரு திருவடி)

தான தர்மங்களை செய்திடுவீர்
அதை மற்றையோர் அறியா
வழியினில் செய்வீர் வலக்கரம்
கொடுப்பது இடக்கரம் அறயா
என்றே குரு புகன்றாரே
                                               (குரு திருவடி)

பெயர் விளம்பரம் வேண்டவே
வேண்டாம் மேதினியில் அது
கிடைத்து விட்டால் ஞாலத்தில்
உன்னை புகழ்ந்திடுவார் பலர்
அதனால் உனக்கு தீங்குகளே.
                                                     (குரு திருவடி)

திருமலை கோணேசர் பாடல்

திருமலை தன்னில் பரப்பிரம்மம்
மாதுமை அம்பாள் கோணேசா
அழகிய கடலே இருப்பிடமாம்
குன்றுகள் அங்கே இருப்பவையாம்

ஞானசம்மந்தர் பாடி வைத்தாரே
நான்நிலம் அதனால் வாழ்ந்ததே
சீலமிகு அந்த ஆலயமே
கடலுக்குள் புகுந்து கொண்டதுவே

மக்கள் மனதில் கவலை உடன்
காத்தே கிடந்தார் தரிசனத்தை
பின்னே வந்த குளக்கோட்டன்
இறைவன் ஆலயம் எடுத்தானே

மக்கள் வளமொடு வாழ்ந்தாரே
ஆலயம் தன்னில் வணங்கினரே
கந்தளாய் குளத்தை கட்டினனே
பூதங்களை காவல் வைத்தானே

பூவொன்று பழமொன்று வெத்திலையோடு
காவல் இருந்திட வேண்டுமென்றான்
அவையும் அதனை ஏற்றேயங்கு
காவல் இருந்து வந்தனவே

கந்தளாய் வயலும் விளைந்ததுவே
திருவிழா சிறப்புற நடந்ததுவே
மக்கள் மகிழ்ச்சி பொங்கிடவே
நாடு சீர்பெற்று எழுந்ததுவே

போத்துக்கேயர் இங்கு வந்தனரே
ஆலயம் முற்றாய் இடித்தனரே
கோட்டையை அங்கே கட்டினரே
ஆட்சியை பிடித்து வைத்தனரே

டச்சுக்காரர் இங்கு வந்தனரே
போர்த்துக்கேயர் தன்னை விரட்டினரே
ஆட்சியை தம்மிடம் வைத்தனரே
மக்கள் ஆலயம் போகா தவித்தனரே

பிரஞ்சுக்காரர் இங்கு வந்தனரே
ஒருநாள் ஆட்சி நடத்தினரே
பிரித்தானியரின் வருகையின் பின்
திருமலை அவர்வசம் போனதுவே

பிரித்தானியர் இங்கு வந்ததினால்
திருமலை தன்னை மீட்டதினால்
ஆலயம் போகா இருந்த மக்கள்
ஆலய தரிசனம் செய்தனரே

கோட்டை வாசல் கல்தன்னில்
கதையும் உண்டு கேளுங்கள்
பரம்பரை மக்கள் வாசித்த
கல்லும் சொல்லும் கதையென்ன?

"முன்னே குளக்கோட்டன் மூட்டும்
திருபணியை பின்னே பறங்கி பிடிப்பானே
பூனைககண் புகைக்கண் புலிக்கண்
பிடித்த பின் தானே வடுவாய் விடும்" 

நாட்டுக்கு சுதந்திரம் வந்ததுவே
நாடியே மக்கள் வழிபட்டார்
பாடியே பக்தியாய் துதித்தனரே
துதித்து மகிழ்ந்து வந்தனரே

பின்னர் பலரும் சிந்தித்தே
ஆலயம் தன்னை வடிவமைத்தார்
பக்குவ பூசைகள் திருவிழாக்கள்
முறையே நடைபெற செய்தனரே

கோணேசர் எங்கள் கோணேசர்
மாதுமை அம்பாள் கோணேசர்
நாடியே வந்து வணங்கியே
நற்கதி பெற்று உய்திடுவோம்.

சரஸ்வதி பா

பாதமலர் பணிந்திடுவோம்
பாக்கியமென நினைத்தே
பாதமலர் பணிந்திடுவோம்
ஞாலத்தில் கல்வியை
தந்திடும் தாயே
ஞானத்தில் மோனத்தை
தந்திடுவாய் வாணியே
கருத்தின் இசைவிலே
களித்திடு தேவியே
பாதமலர் பணிந்திடுவோம்

வாணி சரஸ்வதி
பார்கவி பாரதி
என்றே பலரும்
உனை ஏத்துவார்
தேன் சுவையாக
கவிதை மழை
பொழிந்திட அருள்வாய்
ஞாலமும் விளங்க
திவ்விய சௌந்தரியே
பாதமலர் பணிந்திடுவோம்

பார்கவி தாயே
பணிவுடன் ஏத்துகிறேன்
கற்றோர் தம்மை
மதிக்கும் உலகிலே
கற்றவராய் நாம் வலம்
வர செய்திட வேண்டும்
உள்ளத்து உண்மையினை
உன்னிடம் உரைத்தேன்
உயர்வினை தந்தருள்வாய்
பாதமலர் பணிந்திடுவோம்

ஜெகம் எல்லாம்
உன் ஆட்சியே
அம்மா இந்த
ஜெகத்தினிலும வாழ்கிறாயே
திருவுடை செல்வியே
அமரரின் தேவியே
அன்புடன் வணங்குகின்றோம்
உன் அருளினை
எமக்கு தந்தருள்வாய்
பாதமலர் பணிந்திடுவோம்

நடராஜர் துதி

சிதம்பரம் தனிலே இருந்தாயே
சிதம்பரம் தனையே நினைத்தேனே
கண்ணீர் அருவியாய் ஓடிடவே
நாடியே வந்து சேர்ந்தேனே

அமுதென கனியை கண்டேனே
ஆனந்த பரவசம் கொண்டேனே
ஆலயம் தன்னை சுற்றுகையில்
அற்புத சிலம்பொலி கேட்டினும்

துருவியே பார்த்து சொல்லிடனும்
செயலினை செய்து தருவாயே
துயரினை களைந்து இன்புறவே
துரிதமாய் எனக்கு செய்வாயே

மலரின் நறுமணம் போன்றவரே
மாயையில் இருந்து மீண்டிலனே
தவித்திடும் நெஞ்சின் புளுக்கமதை
தணித்திட நீயும் வரவேண்டும்

சுகமென நானே இருந்ததெல்லாம்
வெறுமையாய் எனக்கு தோன்றிடுதே
அழுதிடும் உணர்வின் கனவெல்லாம்
அடைந்திட வேணும் நொடியினிலே

இகபர சுகமது தந்தருளே
உணர்வினில் நானும் கரைந்தேனே
பழுத்திட்ட பழம்போல்மயங்கி நெஞ்சமதை
ஆக்கியே பக்தியை தந்திடுவாய்

ஜெகமெல்லாம் உனை வேண்டிடுதே
ஜெகதினில் மயங்கி நின்றேனே
துயருறு நிலையை களைந்தே
பாங்குடன் என்னையே தூக்கிடுவாய்

இனியும் தாமதம் கொண்டாலே
மீண்டொரு ஜென்மம் எடுத்திடனும்
குறைகளை களைந்து பாருமையா
கருணையோ டென்னை காரும

பிறவியில் பட்ட துயரங்கள்
புரிந்தே வந்து அருளை தருவாயே
சுலமிலன் சங்கரன் என்பதற்கு
தத்துவம் என்ன பதில் தருக.

சிவ நாமம்

சாம்பசிவா சிவ சதாசிவாசதாசிவா சிவ சாம்பசிவா
சாம்பசிவா சிவ சாம்பசிவாசதாசிவா சிவ  சதாசிவா 

கைலயங்கிரியில் சதாசிவா
கருணை மூர்த்தியாம் சாம்பசிவா
தன்னிகர் இல்லான் சதாசிவா
தனிப்பெருங் கருணை சாம்பசிவா  

சதாசிவா சிவ சாம்பசிவா

சாம்பசிவா சிவ சதாசிவா

ஐந்தெழுத்தோதி சாம்பசிவா
அருளினை பெருவோம் சதாசிவா
முந்து சிவனாம் சாம்பசிவா
முன் வினை களைவான் சதாசிவா

சாம்பசிவா சிவ சதாசிவா

சதாசிவா சிவ சாம்பசிவா

அம்பலத்தாடுவான் சதாசிவா
அருள்ளொளியினை தருவான் சாம்பசிவா
அனர்த்தங்கள் தீர்ப்பான் சதாசிவா
அபயம் அளிப்பான் சாம்பசிவா

 சாம்பசிவா சிவ சதாசிவா

சதாசிவா சிவ சாம்பசிவா

முக்கண் உடையோன் சதாசிவா
முப்பிணி தீர்ப்பான் சாம்பசிவா
உள்ளத்தை உயர்த்துவான் சதாசிவா
உரிமையைத் தருவான் சாம்பசிவா

சாம்பசிவா சிவ சதாசிவா

சதாசிவா சிவ சாம்பசிவா.

 

கஜபதி துதி

சித்தி விநாயகனே கஜமுகனே
உன் திருவடி துணையே ஐங்கரனே
                                                                            சித்தி விநாயகனே


நித்தமும் தொழுதேன் கணேசா
தீவினை தீர்த்திடு விநாயகனே
                                                                     சித்தி விநாயகனே


மெத்தவும் வாழ்வினில் வருந்தினேன்
திருவருள் துனண என்று வந்தேனே
என்னை அணைத்து அருள் புரிந்தாய்
கேட்டது கேட்டபடி தந்தாயே
                                                                             சித்தி விநாயகனே


புத்தியில் வைத்து புனிதனானேன்
புண்ணியா உனை சேவித்தேனே
சக்தியின்பாலா தயை தந்தருள்வாய்
என்றுமே என்னுடன் இருந்திடுவாய்
                                                                               சித்தி விநாயகனே


பக்தியில் உனை வணங்குகின்றேன்
பாலகா வந்தென்னை ரட்சிப்பாயே
உத்தமா உனை மறந்திடாமல்
உள்ளத்தில் நின்று காத்திடுவாய்
                                                                               சித்தி விநாயகனே


சொற்பதம் கடந்து வேண்டுகின்றேன்
விரும்பியே பிள்ளைகட்கு அருள்புரிவாய்
அற்புதா ஜோதியை கணபதியே
அனைத்துலகத்திற்கும்அருளது தருவாய்
                                                                                    சித்தி விநாயகனே

இசை மேதை வனப்பு

இசையில் ஆதவன் இசை மழையே
பாடக் கேட்குதே தேன் மழையாய்
கொடுக்கின்ற வரம் கொண்டு வந்த
கர்ணன் கொடுப்பது போல் பொழிந்திடுதே

பரிதி வாணவன் ஒளியினை போல்
மனமும் ஒளியினை பெற்றது இங்கே
சுருதி சேர்த்து இங்கே பாடுவதாலே
கலை ஞானமும் தவழ்ந்து வீசிடுதே

கருதலாம் வினை தீர்ப்பார் இங்கே
அவர் திருநாம பாட்டதை கேட்டு
விதியினால் மயங்கிடவில்லை உயிர்கள்
இசையினால் உயிர் மயங்கி நின்றதுவே

மதியினால் மாந்தர் தம் வினையினை
நீக்கி இறையிடம் வேண்டி நின்றனரே
அழகிலா அவர் புகழ் பாடுகின்றார்
உன் சேவடி துனையே காத்தருள்வீர்

தும்புறு நாரதர் பாடினார் வானில்
அன்று வானகம் கானத்தில் மயங்கியதே
இன்று வந்திடும் மேதைகள் பாடுவதாலே
இந்த அகிலமும் பூரித்து போனதுவே

சப்தசுர ஞானம் வானத்தில் எட்டிடவே
இசை ஞானியின் பாட்டு ஓலித்ததுவே
அந்த பாட்டின் ஒலியின் இனிமையிலே
இந்த தேவரும் முனிவரும் மயங்கினரே

சிந்தனைக் கரிய சிவபெருமானுந் தான்
இதைக் கேட்டே மௌனம் ஆயினாரே
சங்கராபரணம் தனிப் பெரும் விருப்பம்
தாரணியில் அதை ராவணன் மீட்டினனே

அந்த இசையில் மயங்கிய சிவனால்
இலங்கை இராவணன் மீட்சி பெற்றானே
இந்த இசையைக் கேட்டே சிவனும்
எமக்கு என்ன வரத்தை கொடுப்பாரோ.

ஆறுதல் அடைவீர்

கலங்கி நிற்கும் மக்களே
என்ன அங்கு பார்க்கிறீர்
நிலை குலைந்து போனதாலே
உருகி நின்று பார்ப்பதாலே
துயரினை நீக்கவே முடியுமா
உடைந்து போன உள்ளத்தை
உறுதி யாக்கி கொள்ளுமின்
இருக்கின்ற உயர் தன்னை
காத்து நீர் வாழுவீர்
நடந்து போன நிகழ்வுகளை
உம்மால் தடுத்திட முடியுமா
அதிர்ச்சியில் நீங்கி நீர்
மீண்டும் வாழ்வு வாழுவீர்
உமது உறவுகள் தொலையலாம்
உடைமைகள் தனை இழக்கலாம்
உண்மை நிலையை உணர்ந்திட்டு
நீர் மயங்கலாம் மக்களே
என்ன செய்ய போகிறீர்
புணர்ஜென்மம் எடுத்து உள்ளீர்

நிலைமை கண்டு அஞ்சற்க
வலிவு இல்லாத வாழ்வெல்லாம்
வீன் காலமாய் போய்விடும்
சீறும் புயலினால் அழிவதும்
கொடும் போரினால் அழிவதும்
கடும் தீயினால் அழிவதும்
அறிந்து கொண்ட தில்லையா
அன்பு நிறை மக்களே
உம் துயரினை களையுங்கள்
சொல்வது என்பது சுலபம்தான்
வாழ்வது என்பது கடினமே
என்ன செய்ய போகிறீர்
மக்கள் நீர் கூறுங்கள்
சாவின் மடிக்கு சென்று
நீரும் திரும்பி வந்தவர்
அல்லவோ மிக உன்னத
சிறப்பினை பெற்று நீர்
வாழ்கின்றீர் உம் கண்களை
கசக்கிடாது மனது தளர்ச்சி


அடைந்திடாது உம்மை தூக்கி
வையுங்கள் என்றும் ஆறுதல்
தந்திடும் கடவுள் தன்னை
நினையுங்கள் கடமையில் குதியுங்கள்
தேவை கண்டு இங்கு
இரங்கும் உள்ளம் பலவுண்டு
அவர்கள் தந்த அன்பினால்
ஆறுதல் தரும் சொற்களால்
உம்மை நீர் தேற்றுங்கள்.
நாளது பல சென்றிடின்
நலிந்தோர்கள் தான் தேறுவார்
அன்பு நிறைந்த மக்களே
உலகமது தோன்றியே வருகையில்
இயற்கை தரும் சீற்றங்கள்
கண்டு மக்கள் வந்தனரே
அத்தனை சீற்றமும் கண்டுதான்
மக்கள் வாழ்வை விட்டனரோ
உண்மை இது உணருங்கள்
செத்தவர் தம்மையே எண்ணியே
பிரார்த்தித்து நிஜத்துக்கு வாருங்கள்.

இறையை உதவிக்கு அழைத்தல்

இக் கவிதை சுனாமி அலைகள் மக்களை தாக்கிய பின்னர் எழுதப்பட்டது.பாரதியார் காக்கை சிறகினில் கூட இறையை கண்டு பாடினார்.அந்த இறைவனை மக்கள் கலங்கி தவித்து வரும் வேளையில் துணைக்கு கூப்பிடுதலே ஒரே  வழி எனவே கவிதை மெட்டு பாரதியாரின் பாட்டு மெட்டிலே அமைந்து இருக்கிறது.

தோன்றும் உயிரில் எல்லாம் கிருஸ்ணபாலா
அகன்றிடாமல் இருக்கிறாயே கிருஸ்ணபாலா
அணுவுக்கு அணுவாக நீ கிருஸ்ணபாலா
அமர்ந்தே நீ இருக்கிறாயே கிருஸ்ணபாலா

பொங்கி வரும் கடல் அலையில் கிருஸ்ணபாலா
உன் புவியீர்ப்பு செல்லலையோ கிருஸ்ணபாலா
மக்கள் துயர் துன்பம் எல்லாம் கிருஸ்ணபாலா
மாநிலத்தின் ஆற்றிவிடேன் கிருஸ்ணபாலா

பெற்றோர் பிள்ளையை பிரிந்தார் கிருஸ்ணபாலா
பிரிவுத்துயர் ஆற்றிவிடு கிருஸ்ணபாலா
பெற்றோரை பிள்ளை பிரிந்தார் கிருஸ்ணபாலா
அன்னையாக வளர்த்து விடு கிருஸ்ணபாலா

உடமை தனை இழந்தார் கிருஸ்ணபாலா
அவர் உரிமைகளை கொடுத்தருளேன் கிருஸ்ணபாலா
நான் அத்தனையும் வேண்டுகிறேன் கிருஸ்ணபாலா
சோகம் நீக்கி வாழவையேன் கிருஸ்ணபாலா